Sprüche

___________________________________________________

7.

Cod. Pal. germ. 848, 419r

Universitätsbibliothek Heidelberg

Pardus ein tier genennet ist kuene unde balt,

ze maze groz, in rehter forme, wolgestalt,

dem sin nature vremde minne bringet;

daz selbe tier wont staete der löuwinne bi,

5

swie doch des löuwen kraft und minne bezzer si,

unt swie sins zagels swank in zornes twinget;

klein im daz allez gegen ir vrümt,

sin' habe doch zuo z'im das tier vil zarte;

von disen sachen daz bekümt:

10

snel, vech, in valewer varwe der leparte,

des snelheit niht entrinnen kan

in sprüngen drin, swaz loufes pfligt uf erde:

dem geliche ich einen richen zagen,

der lebt in hoher scham unt vil unwerde,

15

der ist noch sneller, dan daz tier, von eren hin zer schande;

dem wünsch ich, daz er waere sam

vech, durch die scham,

daz man in bi den liuten vür ein kebez kint erkande.