Cinq autres ballades jargonnesques

Texte:

Les Sources de l'Argot ancien, tome I

par Lazar Sainéan, Paris: Champion Éditeurs, 1912

Fac-similé: Internet Archive

Ms. de Stockholm: Fac-similé (Stockholm, Kungliga Biblioteket, Vu.22)

Ms. de Stockholm: Fac-similé (BNF Gallica)

Ms. de Stockholm: Table des matières (Arlima)

__________________________________________________________________________________

Ballades

du Ms. de Stockholm

Ballade

(fol. 25r)

En Parouart, la grant mathe gaudye,

Ou acollez sont caulx et agarciz,

Nopces ce sont, c'est belle melodie.

La sont beffleurs au plus hault bout assis,

5

Et vendengeurs, des ances circoncis,

Comme servis sur ce jonc gracieux,

Dance plaisant et mes delicieux;

Car Coquillart n'y remaint grant espace

Que vueille ou non, ne soit fait des sieurs:

10

Mais le pis est mariage: m'en passe!

Rebourcez tous, quoy que l'en vous en dye,

Car on aura beaucop de vous mercys.

Ronde n'y vault ne plus qu'en Lombardie.

Eschec, eschec, pour ces coffres massis!

15

De gros barreaulx de fer sont les chassis.

Poste a Gaultier si serez ung peu mieulx.

Plantez picquons sur ces beaulx sires dieulx;

Luez au bec que roastre ne passe,

Et m'abatez de ces grains neufz et vieulx.

20

Mais le pis est mariage: m'en passe!

Que faictes vous? Toute menestrandie.

Antonnez poix et marques six a six,

Et les plantez au bien, en paillardie,

Sur la sorne que sires sont rassis.

25

Sornillés moy ces georgetz si farciz,

Puis eschecquez sur gours passans tous neufz.

De seyme oyez, soiez beaucop breneulx,

Plantez voz hiscz jusques elle rappasse.

Car qui est grup, il est tout roupieulx.

Mais le pis est mariage: m'en passe!

[Envoi]

Prince planteur, dire verité vous veulx:

Maint Coquillart pour les dessusdits veulx

Avant ses jours piteusement trespasse,

Et a la fin en tire ses cheveulx.

Mais le pis est mariage: m'en passe!

Ballade

(fol. 25v)

Vous qui tenez voz terres et voz fiefz

Du gentil roy, Davyot appellé,

Brouez au large et vous esquarrissez,

Et gourdement aiguisez le pellé

5

. . . . . . . . . . . . . . . . . . . . . . . . . . . . . .

Pour les esclas qui en pevent issir.

Regardez ce jonc ou l'en fait maint souppir;

Mines taillez et chaussez voz beusicles:

Car en aguect sont, pour vous engloutir,

10

Anges bossus, rouastres et scaricles.

Coqueurs de pain et plommeurs affectez,

Gaigneurs aussi, vendengeurs de costé,

Belistriens perpetuelz des piez,

Qui sur la roue avez lardons clamez

15

En jobelin ou vous avez esté;

Par le terrant pour le franc vont querir,

Et [qui] aussi pour la marque fournir,

Avez tendu au pain et aux menicles:

Pourtant se font adoubter et cremir

20

Anges bossus, rouastres et scaricles.

Rouge goujon, farget, embabillez,

Gueulx gourgourans par qui gueulx sont gourez.

Quant abrouart sur la sorne abrouez,

Levez les sons, et si tastez lesquelz

25

Qui n'y ait anges desclavés empavez

En la vergne ou vostre an veult loirrir;

Car des sieurs pourriez bien de benir.

Se vous estiez happez en telz bouticles.

Pourtant se font a taster et cremir

30

Anges bossus, rouastres et scaricles.

[Envoi]

Prince, planteurs et bailleurs de saffirs,

Qui sur les dois fait la perle blandir,

Belistriens, porteurs de vironicles,

Sur toutes rions doivent telz gens cremir

35

Anges bossus, rouastres et scaricles.

Ballade

(fol. 26r)

Un gier coys do la vergne Cygault

Lué l'autryer en brouant a la Loirre,

Ou gierement on macquilloit riffault;

Et tout a cop vois jouer de lescoirre

5

Ung macquouceau a tous deux gruppelins,

Brouant au bay, a tout deux walequins,

Pour avancer au polliceur de pye.

Gaultier lua la gauldrouse gaudye,

Et le marquin qui se polye et coinsse,

10

Babille en gier en pyant à la sye,

Pour les duppes faire brouer au mynsse.

Apres moller lué ung gueulx qui voult

Pour mieulx hyer desriver la touloire,

C'est pour livrer aux arques ung assault

15

De missemont maquilles a l'esquerre;

Puis dist ung gueulx: «j'ay paulmé deux florins»

L'autre pollist martins et dollequins,

Et la marque souvent le gain choisit.

Adraguangier puis dist, le mieulx fourny

20

«Picquons au veau, saint Jaques, je m'espince!

Eschecquer fault quant la pye est juchié,

Pour les duppes faire brouer au mynsse.»

Puis dist ung gueulx qui pourluoit en hault:

«J'ai ja paulmé tout le gain de ma choirre,

25

Et m'a joué la marque du giffault.

J'en suis mieulx prins que voilant a la foire.

Elle est brouée envers ses arlouys.

C'est tout son fait que d'engandrer les guains,

A hornangier, ains qu'elle soit lubie.

30

De la hanter ma fueille est desgaudie,

Quant de gain n'ay plus vaillant une sainc[e]:

Mais tousjours est gourdement entrongnie,

Pour les duppes faire brouer au mynsse.»

[Envoi]

Prince, quand vous sauldrez la hye,

35

Luez la grime s'elle est desmaquillée,

Et retrallez se le bizouart saince,

Ou qu'elle ne soit de l'assault de turquie

Pour les duppes faire brouer au mynsse.

Ballade

(fol. 26v)

Brouez, Benards, eschecquez a la saulve,

Car escornez vous estes a la roue;

Fourbe, joncheur, chascun de vous se saulve:

Eschec, eschec, coquille si s'en broue!

5

Cornette court: nul planteur ne s'i joue.

Qui est en plant, en ce coffre joyeulx,

Pour ses raisons il a, ains qu'il s'escroue,

Jonc verdoiant, havre du marieulx!

Maint Coquillart, escorné de sa sauve,

10

Et desbousé de son ence ou poue,

Beau de bourdes, blandy de langue fauve,

Quide au ront faire aux grimes la moue

Pour quatre bien affin que on ne le noe.

Couplez vous trois a ses beaulx sires dieulx,

15

Ou vous aurez le ruffle en la joue,

Jonc verdoiant, havre du marieux.

Qui stat plain en gaudie ne se mauve.

Luez au becq que l'en ne vous encloue:

C'est mon advis, tout autre conseil sauve.

20

Car quoy! aucun de la faulx ne se loue.

La fin en est telle comme deloue.

Car qui est grup il a, mais s'est au mieulx,

Par la vergne tout au long de la voue,

Jonc verdoiant, havre du marieulx.

25

Vive David, saint archquin, la baboue!

Jehan mon amy, qui les fueilles desnoue,

Le vendengeur, beffleur comme une choue,

LOing de son plain, de ses flos curieulx,

Noe beaucop, dont il reçoit fressoue.

30

Jonc verdoiant, havre du marieulx.

Ballade

(fol. 27r)

Se devers quay, par ung temps d'ivernois,

Veiz abrouer a la vergne Cygault

Marques de plant, dames et audinas

Et puis merchans, tous telz que au mestier fault

5

. . . . . . . . . . . . . . . . . . . . . . . . . . . . . . . . . . . . . . . .

Gueulx affinez, allegruis et floars,

Mareus, arves, primpres, dorelotz et fars,

Qui, par usaige, a la vergne jolye

Abrouerent au flot de toutes pars

10

Pour maintenir la joyeuse folye.

Pour mieulx abbatre et oster le broullart,

Adraguerent de Grenoble maint crupault

De rumatin et puis mole sines gras

Truye marir sans avancer ravault

15

. . . . . . . . . . . . . . . . . . . . . . . . . . . . . . . . . . . . . . . .

Babillangicr sur tous fais et sur ars,

Tant qu'il n'y eust de l'arton sur les cas,

Brocquans dorelotz, grain, guain, aubeflorye,

Que tout ne fust desployé [et] en pars,

20

Pour maintenir la joyeuse folye.

Pour mieulx polir et desbouser musars,

On polua des luans, bas et hault,

Tant qu'il n'y eust de vivres en caras;

Puis feist on faire a saint arquin ung sault.

25

Apres, doubtans de ses anges l'assault,

On verroulla et serra les busars,

Pour mieulx blanchir et desbouser coquars.

La ot ung gueulx son endosse polye,

Qui puis alla emprunter aux lombars,

30

Pour maintenir la joyeuse folye.