Theséus de Cologne

_________________________________________________________

Laisse VI

Ainsi dit Fernagu qui nul bien ne pensait,

Et quant le Roy Floridas qui Couloingne tenoit

185

Entendit Fernagu qui ainsi le tentoyt,

Moult estoit desirant d'ouyr ce qu'i pensoit.

Dont lui dit Fernagu: «Sire Roy, par ma foy,

Puis qu'est pour vostre honneur, et bonne foy le doyt

Garder en tous estas, et s'autrement estoit...

190

Dont pourroye pencer que pas ne m'aymeroit.»

«Dictes dont cecy vient,» dit le Roy, «par ta foy,

Et je vous prometz que ce mon corps le savoit

Que ja le corps de vous (par moy) acusé ne seroit.»

«Sire,» dit Fernagu, «or voyt ainsi qu'i doyt;

195

Verité vous diray dont j'ay le cuer destroit.

Que voulez que je dye, vous le veez au doyt.

Or estes vous bien simple, par la foy que vous doy

Qui cuider que, ce layt Thezéus vo filz: soit.

S'il estoit ainsi fait q'ung poisson estre doyt

200

Vous en mengeriés bien la teste a vostre doyt;

Car par celui Seigneur qui tout scet et tout voyt,

Le nain a la Roÿne grant amour y avoit,

L. f.4a

L'engendra de sa chair, si que pitié seroit

Ce telle creature le royaulme tenoit.

205

Je le vous dis paour bien, mon corps mains anuyroit

Puis que j'en sçais l'estat se on vous le sceloit.

Car par celui Seigneur qui mourut a destroit

Vostre femme, est putain, dont qui ne l'arderoit

Ph. f.4b

Je vous ay en couvenant, que grant pechié fesoit –

210

Car de son nain puant dru[e]rie en reçoypt.

Thezéus et son filz, vous n'y avez nul droit,

Sy lui resemble bien qui trestous deux les voyt.»

Et quant le Roy l'ouyt, tout le sanc lui fuioyt.

Or est entre en fait de quoy riens ne savoit,

215

Or sent de jalousie et le chault et le froit.

Or est d'abusion entré en mal exploit,

Que ce que celui dit, fermement y le croit,

Lors dit, a Fernagus que sa femme arderoit.

Son conseil fist mander, ytel qu'i le voulloit

220

Car y voulloit parler de celui qu'il aymoit.

la fut a tel meschief que. nul ne le savoit,

Car amour l'assaillit et honte le deçoypt,

Car qui est en tel point, le mal qu'on lui dit, croit.