Qui non sap esser chantaire

Texte:

Les Chansons de Jaufré Rudel

Éd.: A. Jeanroy, Paris 1916/24

____________________________________________________________________________

I

Qui non sap esser chantaire

braire

deu quant au lo ver sonar

clar

5

e que son per tot mesclat

prat

e'l rozal del mati s'espan

blan

sobre l'erba josta'l sauza.

II

10

Non aus semblan ni vejaire

faire

qu'eu l'am ni l'aus desamar

ar

q'en amor son drut mirat

15

fat

e'il fals amador ab engan

van

cui amors engann'e bauza.

III

Non es reis ni emperaire

20

gaire

que l'ause'l mantel drechar

var

ni far q'agues acatat

grat.

25

Ric me fai la noig en somnian,

tan

m'es vis q'en mos bratz l'enclauza.

IV

Lai n'irai el sieu repaire,

laire,

30

em peril qom de passar

mar.

Si de mi no'il pren pitat,

bat

fer freg. Las! tan la vau pregan

35

qan

ni ja ren de leis me'n jauza.

V

Si no'm vol amar m'amia,

dia,

pos eu l'am, s'il m'amara;

40

ja

q'eu sui al seu mandamen,

gen

li serai si'm vol retener:

ver

45

li dirai, q'autrez i menta!