Lectio XXXV

Grammatica

Morphologia:

Coniugatio tertia sive consonantica.

―――――――――――――――――――――

1. Epistulam scribe! Epistulam scripsi. Epistula scripta est.

2. Vicinus agros colit. Nos agros iam coluimus. Agri nostri culti sunt.

3. Hunc librum a te peto. Alios libros petiveram. Libros a te petitos tibi mittam.

4. Emesne hunc librum? Alium librum emi. Alius liber emptus est.

5. Vitam pulchram ago. Vitam miseram egi. «Iucundi sunt acti labores.»

6. Hiems solvitur. Postquam sol hiemem solvit, laboribus hiemis soluti sumus.

7. Tende mihi manum! Nisi opem mihi tetendisses, arcus a me tentus non esset.

―――――――

De stultitia ranarum.

Varias fabulas legistis. Hodie de ranis legemus. – Aliquando ranae ira incensae inter se certaverunt et iudex defuit. Tum manus ad caelum tetenderunt et ab love petiverunt, ut regem statueret. Iuppiter ranas reprehendit et: «Cur», inquit, «non solae pacem inter vos restituitis?» Tum e caelo in lacum ranarum demisit truncum. Cum truncus magno sonitu in lacum cecidisset, in regiones diversas cucurrerunt et initio regem novum metuebant. Postea autem truncum ascenderunt, regem falsum non coluerunt, neque dono Iovis bonorem tribuerunt, sed alium principem poposcerunt. Tum Iuppiter ira incensus a ciconia petivit, ut civitatem ranarum regeret. Ex eo tempore ciconia victum in lacu sibi quaesivit et magnum ranarum numerum minuit. Etiam homines liberi interdum libertatem neglexerunt et a tyrannis salutem petiverunt. Etiam ei res suas verterunt et in fortunam miseram ceciderunt et sero stultitiam suam intellexerunt.

―――――――

Tua res agitur.

―――――――

Vocabularium

colere, colō, coluī, cultus [agricola, incola, cultus]

petere, petō, petīvī, petītus

quaerere, quaerō, quaesīvī, quaesītus [quaesō, quaestor]

emere, emō, ēmī,ēmptus

agere, agō, ēgī, āctus [agitāre]

vītam agere

legere, legō, lēgī, lēctus

tendere, tendō, tetendī, tentus

cadere, cadō, cecidī, cāsum

currere, currō, cucurrī, cursum

poscere, poscō, poposci, –

solvere, solvō, solvī, solūtus

statuere, statuō, statuī, statūtus [statua]

restituere, restituō, restituī, restitūtus

reprehendere, reprehendō, reprehendī, reprēhensus

metuere, metuō, metuī, –

ascendere, ascendō, ascendī, ascēnsus

tribuere, tribuō, tribuī, tribūtus

incendere, incendō, incendī, incēnsus

minuere, minuō, minuī, minūtus

vertere, vertō, vertī, versus

sōl, sōlis m.

cicōnia

rāna

lacus, -ūs m.

truncus

sonitus, -ūs m.

tyrannus

stultitia

dīversus, -a, -um [vertere]

falsus, -a, -um

dēmittere

sērō

Dictionarium latine-anglice