Lectio XXVII

Grammatica

Morphologia:

Declinatio tertia sive consonantica: masculina.

―――――――――――――――――――――

1. Post victoriam victor laetus est.

2. Vultus victoris laetus est.

3. Victori praemium victoriae praebitum est.

4. Spectatores victorem salutaverunt.

5. Victor magno clamore salutatus est.

6. Romani victoribus magnos honores habebant; victores magnis honoribus ornabantur.

7. Magni honores, magni labores.

8. Summus honor imperatorum triumphus fuit.

―――――――

De triumpho imperatoris.

Via triumphi magno spectatorum numero completa est. Lictores adventui exercitus viam parant. Post lictores apparent senatores et magistratus: consules, censor, praetores, quaestores. Tum praeda spectatoribus monstratur. Magnus est dolor captivorum; postea enim servi erunt, nonnulli in carcere necabuntur. Iam currus imperatoris apparet. Imperator toga pulchra et lauro ornatus est. Magno clamore salutatur.

Iuppiter, pater deorum, Romanos terrore et timore et laboribus belli liberavit. Nunc templum Iovis in Capitolio patet. Ibi more patrio ab imperatore Iovi sacrificatur; nam «deis debetur triumphus».

―――――――

Vocabularium

victor, -ōris m.

spectātor, -ōris m.

clāmor, -ōris m.

honor, -ōris m.

honōrem habēre

labor, -ōris m.

imperātor, -ōris m.

līctor, -ōris m.

senātor, -ōris m.

cēnsor, -ōris m.

praetor, -ōris m.

quaestor, -ōris m.

dolor, -ōris m.

terror, -ōris m.

timor, -ōris m.

mos, mōris m.

pater, -tris m.

cōnsul, -ulis m.

Iuppiter, Iovis m.

vultus, -ūs m.

toga

laurus, -ī  f.

captīvus, -a, um

patrius, -a, um

appārēre

Capitōlium

Dictionarium latine-anglice