|
|
Lectio XXII
Grammatica
Morphologia:
Coniugatio prima (-are):
activum, coniunctivus perfecti.
Syntactica:
Sententiae desiderativae.
―――――――――――――――――――――
1. In Italia fuimus. –
(Utinam) laeti fueritis!
(Utinam) vos recreaveritis!
(Utinam) ibi recreati sitis!
2. Opto: Ut(inam) me visites! – Opto, ut me visites.
3. Agricola orat: Utinam agri fecundi sint! Agricola orat, ut agri fecundi sint.
4. Magister postulat: Ne pigri sitis! – Magister postulat, ne pigri sitis.
5. Opto, ut auxilium meum tibi gratum fuerit.
6. Opto, ut te recreaveris (ut amici se recreaverint).
―――――――
De schola Latina.
  
Ut in scholis Romanorum antiquorum, sic in scholis medii aevi disciplina severa fuit. Sed ut pueri Romani, ita pueri Germanorum ludos amabant. Aliquando Nicolaus aliis discipulis: «Caelum», inquit, «serenum est. Opto, ut hodie in silva ludos paremus.» Tum Hieronymus: «Sed magister negabit. Si eum rogabimus, imperabit, ut ludum Latinum tractemus vel ut in silva linguae Latinae ambulemus.»
N.: «Tamen unum ex nobis ad magistrum delegemus! Oret eum, ne ludum neget!»
H.: «Cui mandemus, ut roget? Nemo paratus erit.»
N.: «Carolus et animosus et facundus est. Is interroget!»
Deinde Carolus – ut puer modestus – magistro appropinquat.
C.: «Saluto te, magister benigne.»
M.: «Quid optas, mi fili?»
C.: «Saluto magistrum meum egregium et benignum.»
M.: «Iam satis salutatum est. Iterum te interrogo: Quid optas?»
C.: «Cuncti discipuli optant, ut hodie sub caelo ludi parentur, et per me te rogant, ne neges.»
M.: «Ego quidem flagito, ut ludus Latinus a vobis tractetur.»
C.: «At tamen, ut tu nobis narravisti, etiam magistri antiqui postulant, ut pueri seduli
interdum ab officiis studiisque liberi sint.»
M.: «Ehem, non nego. Sit vobis otium!»
―――――――
Vocabularium
aevum
disciplīna
lingua
mī fīlī!
medius, -a, -um
animōsus, -a, -um
fācundus, -a, -um
modestus, -a, -um
benīgnus, -a, -um
ēgregius, -a, -um
dēlēgāre [lēgātus]
flāgitāre
ut c. coni.
nē c. coni.
iterum
quidem
interdum [inter dum]
ehem!
Dictionarium latine-anglice
|