|
|
Lectio XV
Grammatica
Morphologia:
Declinatio tertia (u);
coniugatio prima (-are): activum, indicativus plusquamperfecti.
―――――――――――――――――――――
1. Exercitus Romanus peditatu clarus erat.
2. Peditatus Romanus saepe primo impetu exercitus adversariorum superavit.
3. Quod Romanis equi neque multi neque boni erant, equitatum a sociis postulabant.
4. Equitatus in dextro et in sinistro cornu exercitus pugnabat.
5. Impetus equitatus quasi ictus cornuum uri vel cervi erat.
6. Currus in exercitibus Romanis non erant.
7. Exercitui summus magistratus imperabat (exercitibus summi magistratus imperabant).
8. Adventus exercitus Romani adversariis metum parabat.
9. Post magnas victorias Romani reditum exercituum triumphis celebrabant.
10. Diu te exspectaveram; tum ad ludos publicos properavi.
11. Quod versus pulchros recitaveratis, magister vos laudavit.
―――――――
De triumpho.
Populus Romanus (a) metu liber est; nam exercitus Romanus cum peditatu equitatuque adversariorum bono eventu pugnavit. Satis diu Romani adventum adversariorum cottidie exspectaverant; multi etiam exclamaverant: «Adversarii ad portas!»
Nunc feminae et liberi reditum exercitus exspectant. Magistratus iussu senatus triumphum celebrant. Deinde in foro epulum parant et populum frumento donant. Paulo post viri et feminae ad circum properant, quod magistratus ad ludos publicos invitaverunt.
Iam aurigae arenam circi intrant. Adspectus equorum et curruum populum delectat. Iam currus per arenam volant. Magno strepitu populus aurigas et equos incitat. Eheu! Unus ex aurigis e curru praecipitavit. At ceteri aurigae equos incitant. Eventus cursus non iam dubius est. Syrus ceteros superavit, victoriam sibi paravit. Populus eventum cursus celebrat et Syrum multis coronis donat.
―――――――
Vocabularium
exercitus, -ūs m.
cornu, -ūs n.
peditātus, -ūs m.
equitātus, -ūs m.
impetus, -ūs m.
ictus, -ūs m.
currus, -ūs m.
magistrātus, -ūs m. [magister]
adventus, -ūs m.
metus, -ūs m.
reditus, -ūs m.
versus, -ūs m.
ēventus, -ūs m.
senātus, -ūs m.
adspectus, -ūs m. [spectāre]
strepitus, -ūs m.
cursus, -ūs m.
iussū abl.
socius
summus
victōria
triumphus
epulum, -ī n.
populus
circus
aurīga, -ae m.
arēna
cēterī, -ae, -a
superāre
celebrāre
incitāre [excitāre]
praecipitāre
quasi [sī]
paulum
paulō ante
paulō post
nōn iam
dubius
Dictionarium latine-anglice
|