Lectio XII   Grammatica Morphologia: Coniugatio verbi «esse», indicativus praesentis et imperfecti, futurum. Syntactica: Accusativus temporis, ablativus temporis; dativus possessivus; sententiae conditionales.   ―――――――――――――――――――――     1. Agricola sedulus est. Poetae clari sunt. Fagus alta est. 2. Amicus: «Diu in periculo vitae eras, Sexte. Nunc sanus es. Itaque laetus sum.» 3. Pater et mater: «Non semper sedulae eratis, filiae. Nunc sedulae estis. Sic nos delectatis. Itaque laeti sumus. Semper sedulae este!» 4. Si sedulus ero, pater et mater laeti erunt. 5. Nisi sedulus eris, laeti non erimus; semper sedulus es! 6. Si validi eritis, mater laeta erit. 7. Quando nos visitabitis, amici? Hora quarta vos visitabimus. 8. Quamdiu laborabis? Quattuor horas laborabo. 9. Avus nos invitabit; avus et avia nos invitabunt.

 

―――――――

 

De vita urbana.

 

 

«Vita urbana, Decime, tibi secunda non est. Itaque te invito: in villa mea te recreabis. Per campos equitabimus. Cottidie sexta hora in umbra cubabis. Umbra fagorum altarum te invitabit. Mox sanus et validus eris. Quid cessas? Cras te exspectabo.» «Bonus amicus es, Quinte. Sed mihi otium non est, non erit. Hora prima servus sedulus e somno me excitat. Iam mihi epistulas apportat. Hora secunda magna copia amicorum me exspectat et salutat. A tertia hora usque ad quintam negotia publica vel privata tracto. Plerumque sexta hora non cubo; cogito enim etiam in otio de negotiis. Etiam cras in foro ero et amicum meum fidum consilio operaque adiuvabo. Deinde alios amicos visitabimus et de negotiis publicis disputabimus. Itaque otium mihi non erit, nisi aegrotus ero.»

 

―――――――

 

Horas non numero nisi serenas.

 

―――――――

 

Inspectio

 

Hora quarta (ablativus temporis) vos visitabimus.

Quattuor horas (accusativus temporis) laborabo.

Si sedulus ero, (sententia conditionalis) pater et mater laeti erunt.

Mihi (dativus possesivus) otium est.

 

 

Vocabularium

 

sēdulus

altus

sānus

laetus

validus

urbānus

secundus [= 2.]

secundus [II]

quintus (= 5.)

pūblicus

prīvātus

aegrōtus

aliī

fāgus, -ī  f

amīcus [amīca]

hōra

avus [avia]

umbra

ōtium

negōtium

somnus

cōnsilium

invītāre

equitāre [equus]

cubāre

cōgitāre

adiuvāre

quando?

quamdiū?

sīc

sī

nisi

nōn ... nisi

quam

quattuor (= 4)

per c. acc.

per silvam

mox

crās

ūsque ad c. acc.

ūsque ad quintam hōram

Marcus (M.)

 

Dictionarium latine-anglice