Max et Moritz

_________________________________________________________

Praefatio.

Heu funestam juventutem!

Nullam video virtutem

Nunc in nostris liberis,

Nullam etiam in his.

5

Max et Moritz vix puniti,

Poenae cito iam obliti

Omnes bonos irridebant

Et ludibrio habebant,

Quin ad maleficia

10

Diriguntur studia!

Homines ludificantes,

Bestias vero cruciantes,

Poma, pruna defurantes,

Omnia loca pervagantes

15

Magno gaudio utuntur;

Instructione non fruuntur.

Sed „vae, vae, vae“ nos clamamus,

Exitum si iam spectamus!!

Quanta sit peccati vis,

20

Nunc his imagunculis

Et his verbis demonstrabo

Virtutemque adiuvabo.