Vir nemoris

Liber II

___________________________________________________

indutiae, promissa quies, huc foedera tendunt?

585

Hoc aliud quam pacis amor, quam cura quietis,.

quam seruare fidem iuratam abitumque parare!

Hoc aliud ueteris quam uota resumere belli

et pauidum propriis contundere uiribus hostem!

quam sperare faces ultricis adurere flammae,

590

et libertatem demum iactare propinquam!

sed sperare aliud Franco licet auspice rege?

Interea magnum contra contendere regem

fraudibus instructum, tendentem uiribus armis

mendacisque simul deuinctum termite oliuae

595

expedit et patrios defendere marte penates.

Talibus hinc Ductor ciues de more coactos

adloquitur dictis: «Post multa negotia pacis

acta inter Ligures, Franco simul auspice rege,

sperabam uotis tandem perferre quietem.

[126 ^r]

600

Omnia tale dabant omen, sed fortia regis

munia, noster amor pacis facilisque pacisci

mens aequum haud potuit Ligures inflectere iusto.

Forsitan intus adest nobis abscondita prorsus

causa, ignota mihi, quae foedus turbat amicum

605

et belli finem prohibet. Mihi signa quietis

ampla dedisse satis. Quarti nunc proximus anni

accelerat finis, quo regis abire cohortes

pacta fidesque iubent, sed nostris appulit oris

copia magna recens, citius quoque plurima adibit.

610

Scilicet id fertur. Quin (si fas credere famae)

intentat bellum nobis, quo uindicet arma

fracta diu Ligurum, quorum male iura resumpsit.

Res est mira quidem, at satius metuenda uidetur.

Quaeque animos uestrum, quae uires exigit omnes,

[23]

615

ut queat unanimis quid agendum ferre uolunta

et praecox obstare malis et agenda parare.

Rex licet ipse mihi dextram promisit amicam,

et pacem struere huic regno, sed credita nobis

cura salutis opum patriae. Discrimen apertum

――――――

125^v, 584 induciae conieci et indutiae correxi: induicae T et induieae V // 587-588 om. V // 587 ueterit err. V // 592 contudere err. V // 126^r, 603 forsitan correxi: forsitam err. T, forsitain err. V // 606 nunc conieci: nun T num V V // 616 parare conieci: porare T V.