Vir nemoris

Liber II

___________________________________________________

dirigite hanc dextram et sceleratum ostendite sontem,

dum uos femineo lateri non pondus inane.

Si nequeam ultricis lenire cupidinis aestum,

et sacrum patriae patrique dicare cruentum,.

235

saltem utrique ferant aliquam mea fata quietem.»

Talia iactabat lacrimans lacrimasque ciebat

omnibus, at longum dictis lenire dolorem

conabar, referens contraria fata secundis.

Demulsitque animos fiducia certa futuri

[120 ^r]

240

atque alio mentes alioque haerentia corda

lenibant curas illudebantque dolorem.

Vnicus ecce autem tendens huc miles, et album

(foederis indicium) iactans uelamen ad auras.

Cor monet expertum insidias, insueta latentem

245

praefert forma dolum, sociis subit ira, molossis

stat uellus rictusque inhiat pressoque latratu

adrecti spectant nutum de more. Cauemus

interea passimque locos scrutamur in omnes,

plurima ne forsan subrepat copia furtim.

[10]

250

Ordine miles adest coram insignitus equestri

miratusque rudes uultus pellitaque membra,

semiputatam horret barbam super ora rigentem

semiferosque putans homines, pauet. Inde trementi

talia uoce refert: «instructus fraude doloque

255

huc ego non ueni ficto uos fallere plexu.

Haud equidem est animus, per equestrem testor honorem.

Nuntius ast uenio uobis ueniamque benignam

ductoris refero qui rebus parcere gaudet

praeteritis. Commissa etiam obliuiscier optat,

260

nam, licet ille potis uos uiribus insequi apertis,

attamen indulget uerbis inflectere amicis,

et blande amplecti reduces et iungere certo

foedere amicitiae patriisque reponere tectis,

dum uos, seu placidum uultis deducere uitam,

265

seu decus armorum laudumque adrecta cupido

――――――

120^v, 233 cruentum T: aestum T² V.