Vir nemoris

Liber I

___________________________________________________

corda uiris et uires auget et arma ministrat.

Imminet interea miles, superare rigentes

nititur huc illuc cautes, suggesta uicissim

[13]

415

subiectis praebent humeris et repere tentant.

Velitat hic acies simulatque inuadere praeceps

explosoque leuis pila sibilat igne per auras

aut feriens scopulos stridentia schidia scindit.

Hic penetrare aditus ualido molimine certant

[108 ^r]

420

cuspidibusque instant tensis densique minantur

congressum. Vnanimi portenditur ore coacta

deditio temereque omnes Victoriae clamant.

Impauidi obsistunt socii. Stat anhelus in armis

atque frequens custos ictus neque iactat inanes.

425

Nemo impune aduersus adest, contendere contra

obnixi, incumbunt aditus occludere leto.

Arma ciet Mauors et flammis Mulciber ardet,

pulsa apex reboat, circum globus aera opacat

fumifer atque canes querulis ululatibus implent

430

culmina et extremum portendunt omnia fatum.

Anxius occurro, feror obuius, omnia ubique

aduerto, dare nitor opem, uim cordibus addo.

Heu! Quid neptis aget pauida imprudensque laborum?

Ipsa adrecta iugo stabat studioque uidendi

435

prona caput tendit uisitque excussa repente.

furto apicem subter reptantem comminus hostem.

Mors trahit ipsa leuis frontem saxoque prehenso

desuper in caput iniecit. Ceruice refracta

immixtum cranio cerebrum per colla fluebat.

440

Reclinat corpus rapidumque relabitur altius

praecipitesque trahit comites et fulcra resoluit.

Illa ictus instaurat ouans lapidesque uolutans

femineis socios compellat uocibus, hostes

increpat et maledicta uomit granditque triumpho.

[108 ^v]

445

Tendimus huc celeres trepideque occurrimus, omen

――――――

108^r, 418 del. T² V // 428 aer err. T // 435 exussa err. V // 440 alto T² V // 108^v, 444 granditque correxi: grandetque T V.