Praeludia

Sponsaliorum Plantarum

1729

___________________________________________________

§. xxviii.

De cotyledonibus embryonis.

Planta primum ex ovo suo progerminans duo exserit folia, Cotyle­dones nominata, ex analogia, quæ inter illa et plancentas animalium, seu cotyledones vaccarum et similium, locum obtinet. Hæ duæ cotyledones antea inter membranas ovi occultæ, basin ejus constituerunt, et munere eodem heic funguntur, quo vitellum in ovis avium, quod in placentam fetus tenelli abit. Postquam teneræ illæ cotyledones apud embryonem parvum vicem, impleverunt placentarum, decidunt simul atque ipse e terra se alere possit, quemadmodum placentæ animalium flaccescunt, cum fetus se ipsum alere inceperit.