Vita S. Elisabeth

Liber III

________________________________________________________________

CAPUT II

Qualiter leonem perterruit

ERAT quidam leo in curia Principis, et accidit die quadam, ut mane de stratu suo consurgens linea tantum insuper injecta veste, sotularibusque indutus, obvium haberet leonem contra se saevientem. Cui elevato pugno comminatus est, viriliter increpando. Mox bestia feritate deposita, viri pedibus se prostravit, motu caudae suas blandiens irascenti. Tandem faculis vix subjugata bestia, magistrum bestiae Princeps graviter reprehendit. Hoc factum non tam magnanimitati, quam fidei aestimo deputandum.