S t a t u t a 
C o m m u n i s
B u g e l l a e

R U B R I C A   I I I
D E   C O M U N I

________________________________

60.

[I]
PENA NON SOLUENTIS
AD TERMINUM ORDINATUM.

Item statutum est quod qui non soluerit comuni quod debuerit ad terminum sibi assignatum. siue in Instrumentis ordinatum. quod omnia dampna et expensse que fient occaxione illius debiti. vadant super illo qui non soluerit. Et qui dederit aliquod pignus clauario nomine comunis. teneatur predictum pignus facere bonum usque ad quantitatem pro qua id dederit.

61.

[II]
SALARIUM AMBAXATORIBUS
EQUESTRIBUS ORDINATUM.

Item statutum est quod qui Iuerit extra bugellam pro ambaxata comunis. habeat sol. XVI. pp. pro quolibet cum equo. et non plus. Et si venerit ea die qua iuerit habeat sol. VIIII. pp. Et non possit nec debeat sibi fieri aliqua ultra predictos sol. XII. pp.

62.

[III]
SALARIUM PEDESTRIUM
ET FATIENDUM FACTA COMUNIS.

Item statutum est quod qui Iuerit extra bugellam videlicet longe a loco bugelle per unum miliare sine equo in seruicio comunis habeat sol. III. pp. pro quolibet die. Et qui steterit super aliquo facto comunis in bugella habeat sol. II. pp. qualibet die.

63.

[IIII]
PENA NON ATTENDTIUM
PRECEPTA COMUNIS ET
PROCESSUS CONTRA EOS
PER CONSULES FATIENDI.

Item statutum est quod omnes homines habitantes et stantes in begella debeant attendere et obseruare omnis precepta rationabiliter eis facta per consules bugelle uel aliquem ipsorum de precepto et voluntate credencie uel maioris partis ipsius credencie. Et qui contrafecerit soluat bannum pro qualibet die qua steterit usque ad octo dies sol. X. pp. nisi iustam habuerit excusationem. Et de predictis bannis non possit fieri aliqua gratia. Et si non acordauerit predicta banna. non emendentur sibi aliqua dampna si fierent ei. de ere comunis post terminum. VIII0. dierum ipso existente in predicta rebellitione. et quod teneatur pro uicino. et quod nullus debeat ei dare conscilium nec adiutorium. nec mercandare cum eo. Et quod nemo coquat sibi panum nec coqui facere nec molat sibi bladum nec moli facere nec laborare cum eo vel dare laborem sub banno sol. V. pp. pro quolibet et qualibet vice. Et conssules teneantur facere ipsum sic rabellum omni mense nominatim cridari in banno per loca consueta per totum eorum consulatum per sacramentum et super predictis omnibus et singulis teneantur inquirere si sciuerint et eis denunciatum fuerit et tenere denunciatores privatos.

64.

[V]
PENA SAPANTIUM ARBORES
SUPER COMUNI, ULTRA
FORMAM STATUTORUM.

Item statutum est quod arbores existentes super comuni non debeant nec possint sappari ultra pedes IIIor. longe ab arbore. et qui contrafecerit. soluat pro quolibet vice sol. XX. pp.(propria pecunia). Et omnes officiales teneantur accusare et pro qualibet arbore sol. V.

65.

[VI]
PER ILLOS DE CREDENTIA
DE MANDATO CONSULUM
BANNA SUNT IUDICANDA.

Item statutum est quod banna dicti comunis non possint Judicari nisi per illos de credencia ad hoc electos per consules dicti comunis secundum quod consuetum est.

66.

[VII]
DIEBUS MERCURIJ IOUIS
ET VENERIS BONA VENIENTIUM
AD FORUM NON
VALEANT IMPEDIRI.

Item statutum et ordinatum est quod non possit nec debeat fieri aliquod saximentum de bonis uel in bonis alicuius uenientis a forum bugelle in die Mercuri post nonam. nec per totam diem Jovis. nec die veneris usque ad vesperas. nec ipsius bona modo aliquo impedire. et qui pecierit vel impetrauerit fieri dictum saximentum seu impediuerit aliquem venientem ad forum. uel bona eius detinebit uel occupabit directe uel indirecte. soluat pro quolibet et qualibet uice. sol. XX. pp. et ultra hoc dictum saximentum sit cassum et irritum. et ille qui eum fieri fecerit. teneatur ipsum facere cassari si fuerit requisitus. et si cassare noluerit. soluat bonnum sol, LX. et nichilominus dictum saximentum sit cassum irritum et nullius ualoris. penitus et momenti. et quod statutum non extendatur ad fures. latrones. seu raptores. nec. intelligatur de bonis furatis et ablatis. uiolenter vel derubatis.

67.

[VIII]
DOMINUS DOMUS SOLUAT
PRO CONDUCTORE QUI RECUSAT
COMUNIS HONERA SUBSTINERE.

Item statutum est quod si aliqua persona de bugella. seu habitans in bugella locauerit aliquam domum uel aliam possessionem alicui persone que recuset soluere banna fodra datia et alias impositiones ei uel eis imposita uel impositas per comune bugelle. quod dominus domus uel alterius possessionis dicta banna et alias impositiones soluere teneatur. Et si conductor alij soluere teneatur. Et si conductor non esset soluendo uel se defenderet nichilominus dominus domus in qua delinquid soluere teneatur.

68.

[VIIII]
DISPENSATA PER OFFITIALES
CONFRARIE ULTRA PROUENTUS
SINE LICENTIA COMUNIS
NULLATENUS REPPETANTUR.

Item statutum et ordinatum est quod prior et sorestani confrarie non possint nec debeant expendere nec distribuere ultra illud quod exegerint uel exigere debuerint de prouentibus confrarie illius anni in quo essent dicti prior et sorestani constituti. Et si contrafecerint non restituatur eis de Ere comunis nec confrarie nisi hoc decissent de licentia credentie optenta antequam inciperent distribuere dictam confrariam.

69.

[X]
DANS DAMPNUM
IN DOMIBUS ALIENIS SOLIDOS V
SOLUERE TENEATUR.

Item statutum est quod qui proiecerit lapides vel dampnum dederit in domibus Ecclesiarum confrarie communis et cuiuslibet persone soluat bannum pro quolibet et qualibet uice sol. V pp.

70.

ACCUSATUS NON FACIENS
DEFENSIONEM INFRA MENSEM
HABEATUR PRO CONDEMNATO.

Item quod quelibet persona que accusata fuerit consulibus bugelle ab alio quam per ofitialem comunis si post acussam infra menssem defensionem non fecerit atque dederit eam in scriptis consulibus habeatur pro condennata. et ab ipsa persona bannum exigatur et perueniat in comune bugelle perinde ac si accusa probata esset per duos legitimos testes.