De diversis artibus libri III

Liber tertius

____________________________________________________________

Caput CIII. ¹⁾

De pictura ex vitro.

EX vitro si quis depingere vascula quaerit,

Eligat ipse duas de rufo marmore petras.

Inter quas vitrum romanum conterat, et cum

Ut pulvis terrae fuerit pariter resolutum.

Hoc faciat liquidum clara pinguedine gummi;

Septies hoc scilicet aqua nitide ablue clara.

Post haec depingat paginas quas finxit honeste

Figulus: hoc facto succense inponat easdem

Fornaci, caveatque, simul quo terra probata

Has teneat, quo sic valeant obstare calori:

Illasque faciat plena virtute nitentes.

――――――――

1) Heraclii capitula est.