Epistolae

Epistula XLVII (1153/54)

____________________________________________________________

Hildegardis

ad Fridericum priorem.

Qui est {Apoc. 1, 4}, dicit: Rex vidit scalam que obtenebrata est in vicissitudine pestilentie. Et sol effulsit, et obtenebrationem illam scidit. Et hoc regi placuit, et dixit: Hec fugitiva scala in fatigatione est, quia interdum ad ardua scandit et interdum obtenebratur.

Talis est mens tua, o homo. In die sciscitationis animi tui ascendis in leto gaudio ad me, et iterum in nociva pestilentia colis cadentem morbum, quasi non exquirenda sit causa salutis. Impossibile est quod cinis immobilis sit. Aspice ad me et semper require unguentum medicine in die et in eternum vives. Puram legem cole et dubietatem fuge, et Deus saluabit te.