| |
|
-
- C a r m e n I I
(VII Watenphul/Krefeld)
- ________________________________
- Archicancellarie,
- viris maior ceteris,
- Splendore prudencie,
- qua prudentes preteris,
- 5
- Iubar es ecclesie,
- sicut sol est etheris.
2.
- Laudes tibi canimus,
- cuius luce iubaris
- Illustratur animus
- 10
- Friderici Cesaris,
- Quod libenter facimus,
- cum sis dator hilaris.
3.
- Pollens bonis moribus
- et nitore generis
- 15
- In humanis artibus
- et divinis litteris
- Tersis maior omnibus,
- nullo minor crederis.
4.
- Vir fortis et sapiens
- 20
- Fortunam non sequeris,
- In adversis paciens,
- modestus in prosperis,
- Cuncta bene faciens
- recta via graderis.
5.
- 25
- Ulixe facundior
- Tulliane loqueris,
- Columba simplicior
- nulli fraudes ingeris,
- Serpente callidior
- 30
- a nullo deciperis.
6.
- Alexandro forcior
- inimicos conteris,
- David mansuecior
- a cunctis diligeris
- 35
- Et Martino largior
- das, quod iuste peteris.
7.
- In regni negocio
- fit, quodcumque precipis,
- Qui sine consilio
- 40
- nichil prorsus incipis.
- Vim det tanto socio
- mens Romani principis!
8.
- Adhuc starent menia
- Mediolanensium
- 45
- Nec Cesar per prelia
- victor esset hostium,
- Nisi Dei gracia
- te dedisset socium.
9.
- Electum Colonie
- 50
- claris dignum laudibus
- Pre multa pauperie
- nudis laudo pedibus.
- Conqueror hoc hodie
- coram sanctis omnibus.
10.
- 55
- Dum sanctorum omnium
- colitur celebritas,
- Singuli colencium
- gerunt vestes inclitas,
- Archicancellarium
- 60
- vatem pulsat nuditas.
11.
- Poeta composuit
- racionem rithmicam,
- Sat Yrus inposuit
- melodiam musicam,
- 65
- Unde bene meruit
- mantellum et tunicam.
|
|