| |
|
|
fol. 262 rb
Hanc forisfacturam accipiebat minister regis et comitis in civitate in cujuscunque terra fuisset sive episcopi sive alterius hominis. Similiter et theloneum, si quis illud detinebat ultra tres noctes xl. solidis emendabat.
Tempore regis Edwardi erant in civitate hac vii. monetarii qui dabant vii. libras regi et comiti extra firmam quando moneta vertebatur.
Tunc erant xii. judices civitatis et hi erant de hominibus regis et episcopi et comitis. Horum si quis de Hundret remanebat die quo sedebat sine excusatione manifesta x. solidis emendabat inter regem et comitem.
Ad murum civitatis et pontem reaedificandos de una quaque hida comitatus unum hominem venire praepositus edicebat. Cujus homo non veniebat dominus ejus xl. solidis emendabat regi et comiti. Haec forisfactura extra firmam erat. Haec civitas tunc reddebat de firma xlv. libras et iii. timbres pellium martrinium. Tertia pars erat comitis et iiae. regis.
Quando Hugo comes recepit non valebat nisi xxx. libras. Valde enim erat vastata. Ducentae et v. domus minus ibi erant quam tempore regis Edwardi fuerant. Modo totidem sunt ibi quot invenit.
Hanc civitatem Mundret tenuit de comite pro lxx. libris et una marka auri. Ipse habuit ad firmam pro l. libris et i. marka auri omnia placita comitis in comitatu et hundretis praeter Inglefeld.
Terra in qua est templum Sancti Petri quam Rotbertus de Rodelend clamabat ad teinland sicut diraciocinavit comitatus nunquam pertinuit ad manerium extra civitatem, sed ad burgum pertinet, et semper fuit in consuetudine regis et comitis sicut aliorum burgensium.
IN CESTRESCIRE tenet Episcopus ejusdem civitatis de rege quod ad suum pertinet episcopatum. Et cum suis hominibus. Totam reliquam terram comitatus tenet Hugo comes de rege.
TERRAM INTER RIPEM ET MERSHAM tenuit Rogerius Pictavensis. Modo tenet rex.
|
|