Evangelistarium

fol. 89v-90r

Mt. 14:22-33

____________________________________________________________

Manuscriptum

In octava apostolorum.

Sequentia sancti evangelii

secundum Matthaeum.

14:22

In illo tempore. Iussit Ihesus discipulos suos ascendere in naviculam, et praecedere eum trans fretum, donec dimitteret turbas.

14:23

Et dimissa turba, ascendit in montem solus orare. Vespere autem facto solus erat ibi:

14:24

navicula autem in medio mari iactabatur fluctibus: erat enim contrarius ventus.

14:25

Quarta enim vigilia noctis, venit ad eos ambulans super mare.

14:26

Et videntes eum super mare ambulantem, turbati sunt, dicentes: Quia fantasma est. Et prae timore clamaverunt.

14:27

Statimque Ihesus locutus est eis, dicens: Habete fiduciam: ego sum, nolite timere.

14:28

Respondens autem Petrus, dixit: Domine, si tu es, iube me ad te venire super aquas.

14:29

At ipse ait: Veni. Et descendens Petrus de navicula, ambulabat super aquam ut veniret ad Ihesum.

14:30

Videns vero ventum validum, timuit: et cum coepisset mergi, clamavit dicens: Domine, salvum me fac.

14:31

Et continuo Ihesus extendens manum, apprehendit eum: et ait illi: Modicae fidei, quare dubitasti?

14:32

Et cum ascendissent in naviculam, cessavit ventus.

14:33

Qui autem in navicula erant, venerunt, et adoraverunt eum, dicentes: Vere Filius Dei es.