Evangelistarium

fol. 12r-12v

Lc. 5:12-15

____________________________________________________________

Manuscriptum

Feria VI

Sequentia sancti evangelii

secundum Lucam.

5:12

In illo tempore. Cum esset Ihesus in una civitatum, et ecce vir plenus lepra, et videns Ihesum, et procidens in faciem, rogavit eum, dicens: Domine, si vis, potes me mundare.

5:13

Et extendens manum, tetigit eum dicens: Volo: mundare. Et confestim lepra discessit ab illo.

5:14

Et ipse praecepit illi ut nemini diceret: sed, Vade, ostende te sacerdoti, et offer pro emundatione tua, sicut praecepit Moyses, in testimonium illis.

5:15

Perambulabat autem magis sermo de illo: et conveniebant turbae multae ut audirent, et curarentur ab infirmitatibus suis.