Hymni a Gregorio conscripti

Hymnus III

_________________________________________________________

Ad Laudes.

1.

Ecce jam noctis tenuatur umbra,

Lucis aurora rutilans coruscat:

Nisibus totis rogitemus omnes

Cunctipotentem

2.

Ut Deus nostri miseratus omnem

Pellat langorem, tribuat salutem,

Donet et nobis pietate Patris

Regna polorum.

3.

Praestet hoc nobis Deitas beata

Patris ac Nati, pariterque sancti

Spiritus, cujus reboat in omni

Gloria mundo.

Amen.