Proverbia que dicuntur

super natura feminarum

fol. 112r

______________________________________________________________________________

169.

VEro e sto prouerbio,     no se cela ora mai:

Unca de legno seco     bon cerclo no farai,

E femena q'e norida     en malueci asai,

Per batre o per losenge     unca no nde la trai.

170.

REa femena no 'menda     per manaça ni per bolbina,

Figo no trai de tribolo     ne uua de la spina;

Ne onguento de medico     ni'ncanto d'endeuina

Lo cor de la rea femena     no meiora n'afina.

171.

TAl om e sença guerra,     q'elo se met en briga,

Tal cre auer amiga,     q'el a fort enemiga;

Com a la naue deuenili     c'a reu arbor se liga:

Quando cre star segura,     et ela se desliga.

172.

DOnata a deu a sto seculo     sasone cun dreitura,

E de fruitar li arbori     per tenpi e per natura;

Mai lo fruit de le femene     se colçe for mesura,

Qe de l'iuerno colçese     e d'istate con calura.

173.

COtal e lo so uso,     saçate sença engano,

Con lo çardin qe fruita     ogna sason de l'ano.

Quel om qe plu ne prende,     quelo nd' a maçor dano,

E qi da ese uardase,     scanpa de grand afano.

174.

DA lo çardin uardateue,     nui om ne sia enganato;

Dac' om pasa la porta     et este dentro entrato,

Tanto nd' a quel qe paga     con quel qe n'a pagato,

E çascun a del fruito     per mesur'a un mercato.