dos lebn geyt vayter

dertseylungen, noveln, skitsn

Moskve: Sovetski pisatel 1980

kval: National Yiddish Book Center (NYBC)

geven a mol a shtetele

an alte verbe

zamlung un redaktsye fun di tekstn:

Heinrich Mohringer

_______________________________________________________________________

geven a mol a shtetele

a kleyn shetetele, vi ale yidishe shtetelekh in der amoliker Galitsye, mit a koytikn mark, vu tsepatlte hendlerkes un fargartlte balegoles hobn mit umruike blikn aroysgekukt oyf a shtikl fardinst un a hogl fun sharfe vertlekh un baysike kloles hot gekoylert, gelyaremt.

a kleyn shetetele mit enge, farshtoybte geslekh un punkt azelkhe farshtoybte fentster in di opgelupete hayzlekh, vu a kaylekhdik yor hot gepaynikt shvere zorg. bay tog hot men gezukht, mit vos dem hunger tsu shtiln, un in di nekht hobn kleyne kinder fun shlof geveynt, un mames mit flakhe, trukene brustn zaynen, vi gehoykerte shotns, gehangen iber zey, un arayngezungen in zeyer geveyn a groysn un tserisenem umet:

oyfn boydem shloft der dakh,

tsugedekt mit shindelekh.

un in vigl ligt dos kind

naket, gor on vindelekh.

oy, oy, oy,

est di tsig fun dakh dem shtroy...

un shvere klep fun hiltserne vign hobn oysgemostn di nakhtishe shoen...

a shtetele, vi ale amolike shtetlekh, mit a hekdesh un a besoylem...

fun dem mark un dem hekdesh iz mer keyn zeykher nit geblibn.

di geslekh zaynen oykh farshvundn, nor der besoylem shteyt nokh a farlozter, farvaksn mit vilde grezer.

es iz keyn shtetl nit mer, nor a shtot mit freylekhe, loyfndike gasn.

oyf breyte trotuarn hilkhn op klingendike trit. un dort, vu shmole gevelblekh hobn gepintlt halb fintstere, shteyen filshtokike hayzer, un mit raykhe shimer fun naykeyt shpiglt zikh in zeyere fentster di himlishe bloykeyt.

in yedn fentster a shtik himl.

oyf yeder gas a vayser friling.

a tate mit a tokhter geyen gearemt.

a yunger tate mit zayn tokhter – a shilerin fun nayntn klas.

ir gang iz laykht, vi zi volt mit a mol farloyrn di vog. zi efnt ire oygn tsu der gas un bashenkt yedn mit der frishkeyt fun ir yungn blik. di oygn bloye, ruike, kimat nokh kinderishe, laykhtn mit a bazunderer glants, un a milder, a bisl koketisher shmeykhl shpilt oyf ir ponem.

ikh gey iber der shtot mit di breyte asfaltirte gasn. tseblite akatsye-beymer bagleytn mayne trit. ikh kuk nokh dem yungn tatn mit zayn sheyner tokhter, un di gedanken kern mikh um tsu an ander tatn un an ander tokhter.

in a zumerdikn baytog hot amol mayn tatn zikh farglust makhn a shpatsir mit mayn kleyn shvesterl. a drayyorik meydele mit blonde oysgetsvogene tseplekh un bloye, bloye eygelekh.

s'iz geven a likhtiker tog. der tate hot gefirt mayn shversterl far der hant, un zey zaynen gegangen in tsveyen arop tsum leydikn mark. bay epes a yidn mit a geshoyberter bord hot er ir gekoyft a kvertl epl-kvas. s'iz geven shabes, un der yid hot keyn gelt nit genumen. er hot gehandlt oyf nemones. mit a mol iz ongeforn a gel-lakirte britshke mit tsvey ferd nashpits un epes a vazhner porets in a grinem tiroler yeger-ontsug mit hirshene knep hot a tsi geton di leytses, di ferd hobn vi farshtart zikh opgeshtelt, un der porets hot shtreng a freg geton baym tatn:

– hey du, vemens kind iz es?

er hot, zet oys, mayn tatn ongenumen far a meshores bay yenem, vayl es iz geven shabes, un mayn shvesterl in a reyn kleydl hot oysgezen vi a kleyne shabes-printsesin.

der tate hot a vayle zikh farloyrn. gey veys, vos a porets kon aynfaln, nor bald gekumen tsu zikh un mit a nit farshteltn shtolts geentfert:

– mayns!

der porets hot mit farlofene blikn durkhgenumen mayn shvesterl un bay dem tatn vayter gefregt:

– vifl kinder hostu, yid?

– finf, zoln gezunt zayn!

– farkoyf eyns mir, ot dos!

un er hot forgeleygt a groyse sume gelt, aza groyse, az es volt mistame genug geven oyfn gantsn lebn.

der tate hot zikh tif farbeygt farn porets un mit a hakhnoedik kol gezogt:

– porets-lebn, ven volst gehat afile dem raykhtum fun a keyser, volt es aykh nit gestayet oyf opkoyfn a kind bay mir.

baym porets hobn di oygn oysgeshosn mit a shtarker beyzkeyt. er hot a knak geton mit der baytsh, un a shtoyb hot zikh oyfgehoybn fun dem zamdikn, tseforenem veg.

geven a mol a shtetele...

(fun: «dos lebn geyt vayter» z. 184-186)

an alte verbe

vifl plitntrayber hobn in di zumern opgerut in ir shotn un zi hot, vi a getraye muter, opgehit zeyer ru.

itst iz tifer harbst!

di verbe shteyt a farlozte, un regn-tropns, vi trern, trifn arop fun ire gele, shtarbndike bleter.

bay ir tsufusns hot tseshpilt zikh der Tshermush.

zayne broyzndike vasern zaynen vild gevorn. gedreyt zikh, geaylt ergets vu, un shtarke khvalyes hobn geshlogn in ir oysgehoyltn shtam.

shteyt di verbe a geboygene, di brust aroysgeshtelt kegn vint, glaykh zi volt gepruvt dermit farhaltn di vildkeyt funem taykh, nit lozn im farfleytsn di breges.

groyzam ober iz der Tshermush osyentsayt, ven dribne regns hiln ayn di berg un fun di vald-tifenishn kayklen zikh tsu im ontsolike taykhlekh un ritshkes. mit a vildn gebrum tsegist er zikh iber toln, dertrinkendik alts, vos shteyt im in veg.

di verbe hot gevust fun zayn kraft un tsorn, mit troyer gekukt oyf di tsebushevete vasern un makhtloz geshtrekt ire shvere oysgekrimte tsvaygn.

baym leydikn breg, ingantsn durkhgenetst fun di groyse regns hot a yunger plitntrayber nokhgefolgt di beyze shpil, velkhe der taykh hot gefirt mit der alter verbe.

zayn lenglekh, opgebrent ponem hot oysgedrikt umru.

er hot gevust, az di verbe kon yede rege aroysgerisn vern mit di vortslen.

nor vos kon a mentsh, eyner aleyn, oyfton kegn aza shturmisher stikhey?

er hot gezen, vi azoy di verbe ampert zikh mit der nit gehemter vildkeyt un ire tsvaygn vign zikh mit a klogndikn krekhts...

– kh'vel nit lozn zi oyf hefker!

un er hot tseviklt a drot-zayl (a shvare). mit eyn ek etlekhe mol arumgenumen di verbe, vi er  volt  in  ringen  zi  ongeton,  un dem tsveytn – getsoygn biz tsu a tif fargrobenem feldz. derbay hot zayn harts ruik geklapt, vi es darf klapn bay a mentshn, ven er gefint zikh in a tsushtand fun oysfirn a khoyv...

– itst oyb zi vet fartrogn vern, iz es bloyz a blinder tsufal!

un der Tshermush, glaykh er volt derfilt di kraft funem yungn plitntrayber, hot langzam opgetrotn, un nor fun tsayt tsu tsayt, fun kas vayzt oys, zey beydn bashpign mit a broynlekh-vaysn shoym...

dos hot mayn tate mir kindvayz dertseylt, un tsugegebn:

– getrayshaft iz di zun fun lebn!

(fun: «dos lebn geyt vayter» z. 89-90)