lider

yiddisher sonet

di yidn zenen fun shtol!

di shvartse vasern

_______________________________________________________________________

yiddisher sonet

du farnemst nit mayne eybike yesurim!

bin ikh efsher nit dayn letster veg, dayn sin?

dos oyg mayns vos in heln likht antplekt dayn furem,

blaybt alts farglivert in dayn hartn yom-hadin.

du vigst mikh odlerdik oyf flamendikn shturem

un schleyderst mikh – a tropn tsum tserin.

mit toysnter leshoynes vi baym bovl-turem

fartunkelstu in mir dayn eygenem bagin.

ich veys, fun fleysh un blut bin ikh gemakht,

mayn gayst is nor in dayne tungen gefangen

un finster oyf der vog fun tog un nakht

bin ikh der otem nor fun nakete farlangen –

un efsher gor a kraft vos is nokh nikht dergangen

vi du – tsu letster bashtimendiker makht?

di yidn zenen fun shtol!

schnayd mayne odern oys

un shpan sey oyf dayn gever

vi oyf harfn

un hilkh vi toysnter orglen

un trumeyter un shal:

di yidn zenen fun granit!

di yidn zenen fun shtol!

di shvartse vasern

in shvartse vasern

shpiglstu kil dayn ponem,

zeykhnst tunkele simonim

in shvartse vasern.

ven dayn more-shkhoyre

geyt oyf shver tsu di shtern

faln malokhims shvartse trern

in dayn more-shkhoyre.

dayne oygn kiln

taykhn fun levones;

ven di nakhtlekhe sakones

dayne oygn kiln.

noch ashikt dayn tfile

bay farloshene kvaln

vu alts otemt mit tsefaln

ashikt noch dayn tfile.

(mimaamikim 1953)