Ἀνθολογία Παλατινή

15. Σύμμικτα

______________________________________________________________________

15.

ΚΩΝΣΤΑΝΤΙΝΟΥ ΤΟΥ ΡΟΔΙΟΥ

Εἰς τὸν σταυρὸν ὃν ἀνέθετο

ἐν τῆι Λίνδωι

Κωνσταντῖνος Ἰωάννου ἠδ᾽ Εὐδοκίης με

τέκνον ἔτευξεν ἀγακλυτόν, ὃν Λίνδος μεγάλαυχος

ἤνεγκε προτέρης γενεῆς προφερέστερον ἄνδρα

καὶ πιστὸν θεράποντα σκηπτούχοιο Λέοντος·

οὗ Ἀλέξανδρος ἀδελφὸς ἰδ᾽ υἱὸς Κωνσταντῖνος

5

[σκῆπτρα Βυζαντιάδος συμμεθέπουσι Ῥώμης]

σκῆπτρα θεοστήρικτα συνεξαγέτην βασιλείης.