Ἀνθολογία Παλατινή

3. Τὰ ἐν Κυζίκωι ἐπιγράμματα

______________________________________________________________________

3.

Ὁ γʹ ἔχει τυφλούμενον Φοίνικα

ὑπὸ πατρὸς Ἀμύντορος καὶ κωλύουσαν

Ἀλκιμέδην τὸν οἰκεῖον ἄνδρα

Ἀλκιμέδη ξύνευνον Ἀμύντορα παιδὸς ἐρύκει,

Φοίνικος δ᾽ ἐθέλει παῦσαι χόλον γενέτου,

ὅττι περ ἤχθετο πατρὶ σαόφρονος εἵνεκα ματρός,

παλλακίδος δούλης λέκτρα προσιεμένωι·

κεῖνος δ᾽ αὖ δολίοις ψιθυρίσμασιν ἤχθετο κούρωι,

ἦγε δ᾽ ἐς ὀφθαλμοὺς λαμπάδα παιδολέτιν.

Ἀνώνυμος