Ἀνθολογία Παλατινή

1. Τὰ τῶν χριστιανῶν ἐπιγράμματα

______________________________________________________________________

92.

<ΓΡΗΓΟΡΙΟΥ ΤΟΥ ΘΕΟΛΟΓΟΥ>

Ἐν Καισαρείαι εἰς τὸν ναὸν

τοῦ ἁγίου Βασιλείου

Ἦν ὅτε Χριστὸς ἴαυεν ἐφ᾽ ὁλκάδος ἔμφυτον ὕπνον,

τετρήχει δὲ θάλασσα κυδοιμοτόκοισιν ἀήταις,

δείματί τε πλωτῆρες ἀνίαχον· Ἔγρεο, σῶτερ·

ὀλλυμένοις ἐπάμυνον. ἄναξ δὲ κέλευεν ἀναστὰς

5

ἀτρεμέειν ἀνέμους καὶ κύματα, καὶ πέλεν οὕτως·

θαύματι δὲ φράζοντο Θεοῦ φύσιν οἱ παρεόντες.