Ἀνθολογία Παλατινή

1. Τὰ τῶν χριστιανῶν ἐπιγράμματα

______________________________________________________________________

8.

Εἰς τὸν ναὸν τῶν ἁγίων

ἀποστόλων πλησίον τοῦ ἁγίου

Σεργίου εἰς τὰ Ὁρμίσδου

Χριστὸν παμβασιλῆα φίλοις καμάτοισι γεραίρων

τοῦτον Ἰουστινιανὸς ἀγακλέα δείματο νηὸν

Πέτρωι καὶ Παύλωι· θεράπουσι γὰρ εὖχος ὀπάζων

αὐτῶι δή τις ἄνακτι φέρει πολυκυδέα τιμήν,

5

ἐνθάδε καὶ ψυχῇ καὶ ὄμμασι κέρδος ἑτοῖμον

εὐχαῖσιν μὲν ἕκαστος ὅ τι χρέος ἐστὶν ἑλέσθω,

τερπέσθω δὲ ὁρῶν κάλλος καὶ δώματος αἴγλην.

Ἀνώνυμος