Χρονικὸν σύντομον

Textus:

Georgii monachi chronicon vol. II

edidit Carolus de Boor

Lipsiae, in aedibus B. G. Teubneri 1904

Facsimile: Internet Archive

Byzantinische Geschichtsschreiber und Chronisten

edidit Gustav Soyter

Heidelberg, Carl Winter 1929

Text A.7: Die angebliche Verbrennung der

ökumenischen Akademie durch Leo III. im Jahre 726

___________________________________________________________________________________

Georgii monachi chronicon, II p. 742

Φασὶ δέ τινες καὶ τοῦτο πιστότατοι ἄνδρες, ὅτι πρὸς τῆι Βασιλι­κῆι καλουμένηι κινστέρνηι τῆι οὔσηι πλησίον τῶν Χαλκόπρατείων παλάτιον ἦν σεμνόν, ἐν ὧι ὑπῆρχε κατὰ τύπον ἀρχαῖον οἰκουμενικὸς διδάσκαλος ἔχων μεθ' ἑαυτοῦ ἑτέρους μαθητὰς αὐτοῦ καὶ συλλήπ­τορας προύχοντας ἄνδρας τὸν ἀριθμὸν ιβ' πᾶσαν ἐπιστήμην μετερ­χομένους καὶ τὰ ἐκκλησιαστικὰ κρατύνοντας δόγματα, βασιλικὰς διαίτας καὶ βίβλους ὡσαύτως ἔχοντας, ὧν οἱ βασιλεῖς ἄνευ βουλὴν ἢ γνώμην οὐκ ἐθέσπιζον. τούτους ὁ ἀγριώτατος θὴρ καὶ δυσώνυμος βάναυσος προσκαλεσάμενος ἐπειρᾶτο πείθειν συνθέσθαι αὐτοῦ τῆι ἀθεΐαι. τῶν δὲ τοῦτο μὴ καταδεξαμένων, ἀλλὰ καὶ μᾶλλον ἐλεγξάντων αὐτοῦ τὴν ἀσέβειαν, προσέταξε συρομένους αὐτοὺς ἀτίμως ἐν τῶι αὐτῶι τόπωι τοῦ διδασκαλείου αὐτῶν ἐγκλεισθῆναι. τούτου δὲ γενομένου τῆι νυκτὶ πάλιν ἀποστείλας ὁ ἀνήμερος δράκων νυκτεπάρχους τινὰς καὶ ἀπηνεῖς ἄνδρας προσέταξε συναχθῆναι πλῆθος ξύλων καὶ τούτων ὐπαφθέντων κατακαῆναι τοὺς ἄνδρας σὺν τῶν οἰκημάτων καὶ τῶν βιβλίων καὶ τῶν λοιπῶν αὐτοῖς ὑπαρχόντων. οὗ γενομένου πάντες ἄρδην κατεφλέχθησαν. ἔτοτε οὖν ἡ τῶν ἐπιστημῶν γνῶσις ἐν Ῥωμανίαι ἐσπάνισε τῆι τῶν βασιλευόντων γνωσιμάχων ἀπονοίαι μειουμένη ἕως τῶν ἡμερῶν Μιχαὴλ καὶ Θεοδώρας τῶν εὐσεβῶν καὶ πιστῶν βασιλέων.

Λέων Γ′, ὁ Ἰσαυρός