Τὸ τοῦ Διοκλητιανοῦ διάταγμα

Περὶ τῶν τιμῶν ἑκάστου εἴδους

301

________________________________________________________

[Πρόλογος]

Fons: The Publication of the Prices Edict: A New Inscription from Aezani

by Michael H. Crawford and Joyce Reynolds,

The Journal of Roman Studies Vol. 65 (1975), pp. 160-163

Φούλβιος ῎Αστικος ὁ διασημότατος ἡγεμὼν vac. λέγ[ει] καὶ τοῦτο τῆς θείας προμηθείας, λεγόντων (τῶν) ἀηττήτων καὶ πάντα νεικώντων δεσπότων ἡμῶν βασιλέων τε καὶ Καισάρων εὐχερείαν βίου, ἵνα τῶν ὠνίων [c. 5]νας καταστάσης ἐν τειμαῖς δι[κ]αίαις κα[ὶ] ΡΗΤΗΣ [c. 7]αις τὸ αὐτὸ ἦ ἀνθρώποις ἅπασιν, καὶ δι’ ὑπερβάλλουσαν ὁρμὴν καὶ φιλαργυρίαν τινῶν ἀπορεῖν τῶν πρὸς τὴν χρείαν ἀνανκαίων μηδένα, ἁπάσης περικοπείσης ἐνθυμήσεως πανούργου, ἴσην καὶ ὠρισμ vac. ένην τὴν ἐφ’ ἑκάστοις τετάχθαι τειμήν· ὅπερ ἵνα παραφυλ vac. <λ>άττηται καὶ δι’ ἅπαντος α(ἰ)ῶ<ν>νος μένηι τῆι θειότητι αὐτῶν προνενοεῖται, ἀλλ’ ἵνα καὶ ὑμεῖ<ι>ν δῆλον καταστῆ σὺν <συν> ἐπιμελεία(ς) πάσηι τοῦ θείου διατάγματος τοῦ ἐπὶ τῆι τειμῆι τῶν τε ὠνίων καὶ συναλλαγμάτων δοθέντος νόμου τὸ ἀντίγραφον μετὰ τοῦ προσήκοντος σεβάσματος τοῦδέ μου τοῦ διατάγματος προτεταγμένον φαίνεται.