Μῦθοι Αἰσώπειοι

___________________________________________________

380.

Ποταμοὶ καὶ Θάλασσα.

(C. 371. F. 330.)

Ποταμοὶ συνῆλθον ἐπὶ τὸ αὐτὸ, καὶ τὴν θάλασσαν κατηιτιῶντο, λέγοντες αὐτῆι· «διὰ τί ἡμᾶς, εἰσερχομένους ἐν τοῖς σοῖς ὕδασι, καὶ ὑπάρχοντας ποτίμους καὶ γλυκεῖς, ἀπεργάζηι ἁλμυροὺς καὶ ἀπότους;» Ἡ δὲ θάλασσα ἰδοῦσα, ὅτι αὐτῆς καταμέμφονται, λέγει πρὸς αὐτοὺς· «μὴ ἔρχεσθε καὶ μὴ γίνεσθε ἁλμυροί.»

Οὗτος ὁ μῦθος παριστᾶι τοὺς ἀκαίρως αἰτιωμένους τινὰς, καὶ παρ᾿ αὐτῶν μᾶλλον ὠφελουμένους.