Μῦθοι Αἰσώπειοι

___________________________________________________

190.

Κεραμεὺς, Ὄνος καὶ Ὀνηλάτης.

(C. 338. F. 409.)

Κεραμεύς τις ἔπλαττε πολλὰς ὄρνεις ἐν τῶι ἐργαστηρίωι. Ὄνος δὲ παριὼν, ἀκολουθοῦντος ἀμελῶς τοῦ ὀνηλάτου, παρακύψας διὰ τῆς θυρίδος ἀνέτρεψε τὰς ὄρνιθας, καὶ τὰ ἐν τῶι ἐργαστηρίωι συνέτριψε σκεύη. Ὁ τοίνυν κύριος τοῦ ἐργαστηρίου ἐπὶ κρίσιν ἤγαγε τὸν ὀνηλάτην. Ἐρωτώμενος δὲ ἐκεῖνος παρὰ τῶν ἀπαντώντων, τίνος κρίνοιτο, ἔλεγεν «ὄνου παρακύψεως.»