Μῦθοι Αἰσώπειοι

___________________________________________________

150.

Ζεὺς καὶ Ἄνθρωποι.

(S. 107.)

Ζεὺς πλασας ἀνθρώπους ἐκέλευσεν Ἑρμῆι νοῦν αὐτοῖς ἐγχέαι· κἀκεῖνος μέτρον ἴσον ποιήσας ἑκάστωι ἐνέχεε. Συνέβη οὖν τοὺς μὲν μικροφυεῖς πληρωθέντας [73] τοῦ μέτρου φρονίμως γενέσθαι, τοὺς δὲ μακροὺς, ἅτε μὴ ἐφικομένου τοῦ ποτοῦ μηδὲ εἰς πᾶν τὸ σῶμα, ἀλλὰ μέχρι γονάτων, ἀφρονεστέρους γενέσθαι.

Πρὸς ἄνδρα εὐμεγέθη τῶι σώματι, κατὰ ψυχὴν δὲ ἀλόγιστον ὁ λόγος εὔκαιρος.