Μῦθοι Αἰσώπειοι

___________________________________________________

89.

Γαλῆ συλληφθεῖσα.

(F. 355. C. p. 265. B. 27.)

Γαλῆν δόλωι τις συλλαβών τε καὶ δήσας

ἔπνιγε βάλλων ὑδάτων συναγκείαι.

τῆς δ᾿ αὖ λεγούσης «ὡς κακὴν χάριν τίνεις

ὧν σ᾿ ὠφέλουν, θηρῶσα μῦς τε καὶ σαύρας,»

«ἐπιμαρτυρῶ σοι» φησίν· «ἀλλὰ καὶ πάσας

ἔπνιγες ὄρνεις, πάντα δ᾿ οἶκον ἠρήμους,

κρεῶν (δ᾿) ἀνέωιγες ἄγγος, ὥστε τεθνήξηι,

βλάπτουσα μᾶλλον ἤπερ ὠφελοῦσ᾿ ἡμᾶς.»

Πρὸς τοὺς μετρίως μὲν ὠφελοῦντας, βλάπτοντας δὲ τὰ μεγάλα, εὔκαιρός ἐστιν ὁ λόγος.