Fragmenta incertae sedis

______________________________________________________________________________

Icus

Fragmentum 178 (A. Harder)

ἠὼς οὐδὲ πιθοιγὶς ἐλάνθανεν οὐδ᾽ ὅτε δούλοις

ἦμαρ Ὀρέστειοι λευκὸν ἄγουσι χόες·

Ἰκαρίου καὶ παιδὸς ἄγων ἐπέτειον ἁγιστύν,

Ἀτθίσιν οἰκτίστη, σὸν φάος, Ἠριγόνη,

5

ἐσ δαίτην ἐκάλεσσεν ὁμηθέας, ἐν δέ νυ τοῖσι

ξεῖνον ὃς Α[ἰ]γύπτωι καινὸς ἀνεστρέφετο

μεμβλωκὼς ἴδιόν τι κατὰ χρέος· ἦν δὲ γενέθλην

Ἴκιος, ὧι ξυνὴν εἶχον ἐγὼ κλισίην

οὐκ ἐπιτάξ, ἀλλ᾽ αἶνος Ὁμηρικός, αἰὲν ὁμοῖον

10

ὡς θεός, οὐ ψευδής, ἐς τὸν ὁμοῖον ἄγει.

καὶ γὰρ ὁ Θρηϊκίην μὲν ἀπέστυγε χανδὸν ἄμυστιν

οἰνοποτεῖν, ὀλίγωι δ᾽ ἥδετο κισσυβίωι.

τῶι μὲν ἐγὼ τάδ᾽ ἔλεξα περιστείχοντος ἀλείσου

τὸ τρίτον, εὖτ᾽ ἐδάην οὔνομα καὶ γενεήν·

15

ἦ μάλ᾽ ἔπος τόδ᾽ ἀληθές, ὅ τ᾽ οὐ μόνον ὕδατος αἶσαν,

ἀλλ᾽ ἔτι καὶ λέσχης οἶνος ἔχειν ἐθέλει.

τὴν ἡμεῖσ οὐκ ἐν γ[ὰ]ρ ἀρυστήρεσσι φορεῖται

οὐδέ μιν εἰσ ἀτ[ενεῖ]σ ὀφρύας οἰνοχόων

αἰτήσεις ὁρόω[ν] ὅτ᾽ ἐλεύθερος ἀτμένα σαίνει 

20

βάλλωμεν χαλεπῶι φάρμακον ἐν πόματι,

Θεύγενες· ὅσσ[α] δ᾽ ἐμεῖο σ[έ]θεν πάρα θυμὸς ἀκοῦσαι

ἰχαίνει, τάδε μοι λ[έ]ξον [ἀνειρομέν]ωι·

Μυρμιδόνων ἑσσῆνα τ[ί πάτριον ὔ]μμι σέβεσθαι

Πηλέα, κῶς Ἴκωι ξυν[ὰ τὰ Θεσσαλι]κά,

25

τεῦ δ᾽ ἕνεκεν γήτειον ιδ[..]υτ[....]ρτον ἔχουσα

ἥρωος κα[θ]όδου πα[ῖς

εἰδότες ὡς ἐνέπου[σιν

κείνην ἣ περὶ σὴν [

οὔθ᾽ ἑτέρην ἔγνωκα· τ[

30

οὔατα μυθεῖσθαι βουλομέν[οις ἀνέχων.»

τ[αῦτ᾽] ἐμέθεν λέξαντο[ς

«τρισμάκαρ, ἦ παύρων ὄλβιός ἐσσι μέτα,

ναυτιλίης εἰ νῆιν ἔχεις βίον· ἀλλ᾽ ἐμὸς αἰών

κύμασιν αἰθυίης μᾶλλον ἐσωικίσατο

35

    .    .    .    .    .    .    .

P. Oxy. XI 1362, vv. 1 -25