Niederdeutsche Gedichte

Quelle:

Theodor Storm, Gedichte

Berlin: Gebrüder Paetel, 1889

______________________________________________________________________________

An Klaus Groth

Wenn´t Abend ward,

Un still de Welt und still dat Hart;

Wenn möd up´t Knee di liggt de Hand,

Un ut din Husklock an de Wand

Du hörst den Parpendikelslag,

De nich to Woort keem över Dag;

Wenn´t Schummern in de Ecken liggt,

Un buten all de Nachtswulk flüggt;

Wenn denn noch eenmal kiekt de Sünn

Mit golden Schiin to´t Finster rin,

Un, ehr de Slap kümmt un de Nacht,

Noch eenmal allens lävt un lacht -

Dat is so wat vör´t Minschenhart.

Wenn´t Abend ward.