Der Meierhof

Die Schubladen

___________________________________________________________________

(fol. 9v.)

In 4. Schubladen dises fuß vmb den Mayrhof sein 4. schöne haubt: vnnd Kunststuckh, die 4. elementa bedeutent.

Fewr.

Als das fewr ist aine brinnende schweblige dürre grotta, darin allerhandt gifftige thier von schlangen, krotten, drachen, Edexen, scorpionen, alle sich rühren, vnnd darunder 7. thier, als lewe iram: hundt invidiam: Pfaw superbiam: saw gulam: gallus luxuriam: asinus desidiam: Crotte auaritiam bedeuten, vnnd auch die brinnende flammen von drachenbluet ¹⁾ sich rühren.

Luft.

Der luft ist gar ain schön falckhenhaus, mit vnderschidlichen falckhen, sperber, habich, ²⁾ raiger, mit seim falckner vnnd 2. hunden darbej, vnder ain [brenten Zieglinen] Lattendach.

Waßer.

Ist ³⁾ der Neptunus von brenter Erden, ligt im waßer, Zwischen mancherley schönen gros vnd kleinen Indianischen schneckhen, Corallen Zinckhen, ⁴⁾ geschnittne Corallen, Augstein (Bernstein), Christall, waßergewechs, mit seinen tridente et rete.

Erden.

Ist ⁵⁾ aine erhebte landtschafft von waidwerckh von schweinhatz, hirschfaiste, raigerbais, All mit Vihe, gembsensteigerey, fischerey, Kurtzweilerey, wie man das waid meßer schlecht, St. Hieronimus in grotta, allerley Vögel, das Jägerhaus kan man auftruckhen, darin Zecht man, den großen baum kan man auch auftruckhen, darin ist ain beer, so hönig außnimbt, vnnd wer ⁶⁾ allerlej beumlen, kreutlen, blettlen, gstreußlen, büidlen, (fol. 10 r.) thierlen, die ⁷⁾ landtschafft, den lufft, sonnen, vnnd alle mühe vnnd arbeit, so [bey dieser landtschafft], ⁸⁾ recht betrachten will, der hat wol mit lust etlich stundt Zuschawen vnnd Zu contempliren.

――――――――

1) B: von drachenbluet bestrichen; W: von drachenblut gemacht. 

2) „habich“ fehlt in W. 

3) B: Das wasser ist. 

4) B: zünkhen von vnderschidnen farben vnd gewechsen. 

5) B: Die erden ist. 

6) B: von. 

7) B: Vnd der dise. 

8) B: darbey ist mit verstand.