Ilias Homeri

Codex XI 585 (Stiftsbibliothek St. Florian)

______________________________________________________________________________

Cod. XI 585 f. 5v

vnd gesprochen: „Apollo ist nit erzürnet von wegen der erzelten vrsachen sondern, dieweill seinem priester Chrysi vom Agamemnone vnnbilt ist zugefugt worden, welchem man sein ainige dochter auch vmb geld nit hat widervmb wöllen zuestellen; darumb hat er solche straff vber vns khomen laßen, er will auch größere vnd schwerere schikhen vnd nicht aufhören, bis man dem Vatter sein Dochter vmbsunst widerumb zuestelle, dieweill wirs vmb gold nicht geben wöllen, wür soll'n auch zue im mit geschänkhnussen diemietig khumen, die man aufopfere, weill wir in sambt den geschänkhen schmechlich von vns wekhgetriben haben, daselbst werden wür durch vnnser roj vnd durch das gebett Chrysae frid erlangenn, vnd alle straff von vns abladen.“ Als solches Calchas geredt, ist er nidergesessen. Nachdem ist der Agamemnon aufgestanden mit einem zornigem vndt erschrök­lichem angesicht vndt richtet am ersten seine augen gleich wie feirige pfeil auf den Calchantem, zu dem er sprach:

O du

――――

Cod. XI 585 f. 6r

Nach diesem hat der weitberümbte Calchas alle forcht hindan gelegt vndt gesprochen: „Apollo ist nicht erzürnet von wegen der erzelten vrsachen, sonder dieweill seinem priester Chrysi vom Agamemnone vnnbilt ist zugefugt worden, welchem man sein ainige dochter auch vmb geld nit hat widervmb wöllen zuestellen; darumb hat er solche straff vber vns khomen laßen, er will auch größere vnd schwerere schikhen vnd nicht aufhören, bis man dem Vatter sein Dochter vmbsunst widerumb zuestelle, dieweill wirs vmb gold nicht geben wöllen, wür soll'n auch zue im mit geschänkhnussen diemietig khumen, die man aufopfere, weill wir in sambt den geschänkhen schmechlich von vns wekhgetriben haben, daselbst werden wür durch vnnser roj vnd durch das gebett Chrysae frid erlangenn, vnd alle straff von vns abladen.“ Als solches Calchas geredt, ist er nidergesessen. Nachdem ist der Agamemnon aufgestanden mit einem zornigem vndt erschrök­lichem angesicht vndt richtet am ersten seine augen gleich wie feirige pfeil auf den Calchantem, zu dem er sprach: „O du weissager, der du mir allzeit schetlich bist, wilstu dan dem Aga-memnone nie nichts guts prophezeien? Gleich ob du vill darmit würdest ausrichten, das du mir allzeit