Lieder anderer Quellen

____________________________________________________________

IV

(Klein 131)

München, Bayerische Staatsbibliothek Cgm 4871

(1461)

Den Techſt vbr' das geleyemors Wolkenſtain'

I

Mir dringet/ zwinget/ fraw dein guet/
 mein gemüet/ trawt liebſſtes ain/

an ern reich/

gleich/ ſo mues ich lobn fraw dein guet geſtalt/

5

Deins herczn/ ſcherczn/ mich ſer wundt'/

ſundrt'/ von dir trawt geſelle rain/

dein höflich ſchimpf/

glimpf/ mit freẅdn mich behaget manigfalt/

R°   Mein ſchalln fraw zw disr' friſt/

10

ainfaltig iſt/ für war dw piſt/

der ich meins herczn' gan/

darumb gepewt an vnd'ſchaid/

trawt liebſte maid/

in lieb vn laid pin ich berait/

15

zediennē dir/ nit liebr' mir/

brächt groſſr' zier/ wenn daſſtw ſchier/

gepewteſt mitt mir tün vn lan/

II

Dein Senen/ wenen/ ich nitt pueſſē/

kan volsueſſn'/ dein' ger/

20

mein weiplich zucht/

frucht/ mag klain erfrewen dich zw kain' ſtund/

meinn' willn'/ ſtilln'/ du wol kündeſt/

vn' enpündeſt/ all mein ſchwär/

dein wort vn' weis/

25

leis/ lieblich erkuchkn' möcht meins herczn' grunt/

R°   Geſelſchafft tw ſollt abelan/

dein guet' wan nach meim verſtan/

an mir nitt frewdn' vintt/

dauon dein leidn' wurd enttricht/

30

wie mir geſchicht/

ſo kan ich nicht/ mit k ..... pflicht/

dir wünſchn' hail/ dauon an mail/

mein leib ſ. . gail/ dir würd ze tail/

ſchweig ſtill dÿ lieb dÿ iſt plint/

III

Dein hanndl/ wandl/ mich enczündet/

vn' dürch gründet/ hi. . vn' tort/

darumb gedengk/

ſennck/ mich fraw beleibn' ſtät in dein' huld/

Mein munde/ kunde/ dir mues heln'/

40

ſund' queln'/ trawt liebſt. . hort/

ganncz ſtäte trewe/

newe/ von dir nitt weicht vmb kain' laÿ hänndll ſchuld/

R°   Mitt freẅdn' ich das wider gilt/

deinn' ernn' mild von mir ni. . hilt/

45

gein dir kain vngewin/

dauon dein er dir wurd . . . ſert/

mein hercz begert/

dich vnu'kert des gleich mich nertt/

dein ſtolczr' leib/ trawt ſendlich weib/

50

mein laid vertreib/ dein aigenn bleib/

ich immer auff dÿ gnade dein etc.