Lieder anderer Quellen

____________________________________________________________

II

(Klein 129)

München, Bayerische Staatsbibliothek Cgm 715

(um 1450)

Ain ander Mundi renouacio

I

DEr werlde vernewung lawter klar/
pirt new frëwd aller creatur/

nw Got erſtanden iſt füerwar/

mit im erſtent all creatur/

5

dy Element im dyennen ſer/

ſy verſten nach ſüeſſer ler/

dy machtikait ires vater reich/

II

Das fewer her ſeinper gleſte ſchrät/

das luft ſüeß flocket vnd wät/

10

das waſſer fleuſt in leichtikait/

das erdreich beleibet ſtät/

dy leichtikait gert hohen ſwal/

dy ſwär ſich naiget hinczutal/

alle dingk verewen ſich/

III

Der hymmel ſtet polirter klar/

das mer geſtillet iſt füerwar/

gewitter reichsent hinder gar/

vnnſer tal beginnet gruenen hie/

vnfruchtbar gruent vnd früchte pirt/

20

kalt natur in hiczig wirt/

do lebentig ſüeß ſich ane fie/

IV

Todleichen froſt löſt ewigs wort/

der werlde fürſt hat an ein ort/

vnd wirt auch gänczleich da zuſträt/

25

in vns ſein gewalt herſchen gros/

den er im zu halden gedacht/

an dem er nichts gehaben macht/

ſein aigenſchaft er do verlie/

V

Der weg pfligt nw vil linder wag/

30

der cherubim vor ſcherffer phlag/

als im Got gepoten het/

do er ſein fewrein ſwert verkart/

VI

Der tot das leben ÿberwant/

der menſch gar ſnell es widerfant/

35

was er vor verloren het/

paradiſes wunn vnd frëwden gart/