| |
|
-
- P u e c h l e i n d e r
f i a l e n g e r e c h t i k a i t
B l a t t 7 v e r s o
- ___________________________________________________
- Darnach mach den riſen d(er) fialen wid(er) mit ſeinen puchſtab(e)n vnd cʒal vn(d) tail den mittelriſſ vbe(r)ſich auf vo(n) de(m) .a. pis ʒv
d(er) andern cʒal jn drew gleiche tail da ſecʒ
cʒwe(n) puchſtab(en) hin cʒwiſch(e)n dem .a. vnd der andern cʒal das ſein dy .g..b. Dar nach ſecʒ den ʒirkel auf den mittelriſſ jn dem gruntlein der fialen auf der liny .a..b. vn(d) cʒuich jn auf pis jn das .a. od(er) .b. wan(n) das ain weit iſt vn(d) ſecʒ dy ſelb(e)n weit(e)n auf den mittelriſſ des riſen vnt(e)n auf das .a. vnd mach auf y(e)de ſeiten ain punckt becʒaichnet mit de(n) puchſtab(e)n .i..k. darnach ʒuich ain linj vo(n) de(m) punckt .h. auf dem mittelriſſ des riſen pis ʒv dem .i. des gleich(e)n wid(er) von dem .h. auch ain riſ jn d(a)ʒ .k. darnach mach ain linj vber cʒwerch auf den mittelriſ do das .h. ſtet wirt di linj .l..m. Darnach nim dy weit(e)n von
de(m) .i. pis cʒv dem .c. an dem riſen d(er) fialen dy ſelb(e)n weit(e)n ſecʒ mit ainem ort auf das .h. vnd mach auf y(e)de ſeiten ain punckt mit de(n) forigen puchſtaben vercʒaichnet .l..m. Darnach ʒuich ain linj von dem .l. pis ʒv dem .d. des gleich(e)n von dem .m. pis ʒv dem .c. des ain exempel an der figur neb(e)n an de(r) geſchrift gemacht ſtet
|
|
|