| |
|
-
- G e o m e t r i a d e u t s c h
B l a t t 2 r e c t o
- ___________________________________________________
- Darnach ſecʒ den cʒirkel mit ainem ort auf den pu(n)ckt :d: vnd mach ain ru(n)den riſſ durch das .a. .b. vn(d) wo d(er) rund riſſ vbe(r) den riſſ :c: :d: get da ſecʒ ain :e: Darnach ſchaw wo der ſelb rund riſſ vber den rund(e)n riſſ .d: .b. .h get da ſecʒ ain .f: des gleich(e)n auf der andern ſeit(e)n da ſecʒ ain :g: Darnach leg ain richtscheit auf de(n) punckt :f: vn(d) auf das :e: vn(d) mach ain riſſ durch die punckt gar hin auſʒ piſʒ an den runden riſſ .d. :a: .c: .g. da ſecʒ ain :k. Des gleich(e)n auf der andern ſeiten da ſecʒ ain :b. Darnach ſsecʒ den cʒirkel auf den punckt .k: vn(d) mach ain riſle(i)n vber di linj .d: .e. .c: vn(d) wo d(a)ʒ vbe(r) ain a(n)der get da ſecʒ ain :l. darnach mach ain riss vo(m) :l. jn das .k. vo(m) .k. jn das .b: vom :b. jn das .a: vom .a. jn das .h. vom .h. jn das .l: So haſtu ain gerecht funff eck des ain exempel
So dy ryſſ getan werden der man nit bedarf den nur ʒv der auſtail(u)ng ſo beleibt nur das recht funff ort des ain figur hernach gemacht ſtet
|
|
