Das Liederbuch

Bl. 314r-314v (I, 85)

____________________________________________________________

Wein, wein von dem Rein

Lautter, clavr vnd vein,

Dein varb gibt gar liechten schein,

Als Cristall vnd Rubin.

5

Du gibst medicein

Für traur‹n›. schenck du ein!

Trinck, gůt kätterlein!

Mach rotte Wängelein!

Du sönst die allzeit pflegen veind ze sein,

10

Den Augustein

Vnd die Begein;

In baiden schaiden kannst du sorg‹en› pein,

Das sy vergessen teutsch vnd auch latin.

Nye kam ich in ain vas,

15

Liebers werders nas.

Die knaben laben kanst du bas,

Dan her Yppocras.

Du scheinst durch ain glas

Gröner, dann ain gras.

20

Der momen sönen kanst du das,

Des sy nye vergasz.

Mit götz vnd gäblin machst du sämlichen plas.

Das ainer masz

Dem andern das

25

Die löck flöck rüren als den flasz.

Wer gab den rat? von pacharach er was!

Dein craft wunder tůt;

Dem zagen gibst du můt,

Dem argen kargen miltes plůt,

30

Narren machst du frůt.

All mein vnmůt

Laszt du vnuerhůt

Gen ainer rainen frawen gůt,

Die mir mein hertz durchwůt

35

Mit süsser, senender, ynneclicher glůt.

D‹u› mir gepot

Jr mündlin rott,

Gar pillich willig was ich in den tot.

Lons hab ich nit dann Jammer vnd not!