Das Liederbuch

Bl. 2r - 2v

____________________________________________________________

1.

Mit gewalt liegen Landtfarer,

Alt Lütt

Vnd die Herren!

So ist erlaubt ze liegen den

5

Wachtern,

Waidlüten vnd den Bulern;

So ist notdurft ze liegen

Den Arzten,

Kauflüten vnd den

10

Gaugglern!

2.

Allerliebsts,

Beschaidens,

Czuckersüsz,

Durchgepreyszts,

5

Erentreichs,

Frölichs,

Güttigs,

Hochgelobts,

Immertröstlichs

10

Kind!

Lustliche

Maget!

Natürliche,

Obroste

15

Pietterin!

Quick!

Rainclicher

Schatz!

Triulichs

20

Versenen!

X‹xus› (Christus)

Y‹hus›

Zerbräch dir alles leiden!

3.

No‹ta›: du solt sein

Ob dem tisch ain Adler,

Vf dem veld ain leo,

Vf der gassen ain pfaw,

5

In der kirchen ain lamb,

In dem pett ain Aff!

4.

Abgerittene

Böszwichtin!

Czerrüszne,

Durchtribne,

5

Erenlose,

Frawenschenderin!

Gruntlose,

H‹ür›rische,

Inprünstige

10

Kotz!

Liegende,

Misztrew:ige

Nachrednerin!

Offenbare

15

Plůtuergieszerin!

Quostenpinderin!

Rew:dige

Sackhůr!

Trunckne

20

Verrätterin!

Xpenlichs (Christenl.) volcks

Ymmerwernde

Zageltasch!

5.

Es baden am mentag die truncken,

Am afftermentag die reichen,

Am mittwoch die witzigen,

Am donnerstag, die gryndig vnd lausig sind,

5

Am freytag baden die vngehorsamen,

‹A›m samsztage die hochuerttigen!

6.

oder sprich also:

Abgefaymbte,

Bübische,

Czupringerin!

Durchgeso‹r›ttne,

5

Erenlose,

Falsche,

Giftige,

Hůr!

Inhitzige

10

Krotensack!

Lebersüchtige

Morderin!

Nasenstinckende,

Orenlose,

15

Pfäffische,

Quattrerin!

Rotzige

Schwätzerin!

Trostlose

20

Verschmächerin

Xpi (Christi)!

Ymmer vnd ymmer

Ze schelten!

7.

Ain haubt von Behmer land,

Zway weisse ärmlin von Prafand,

Ain prust von Schwaben her,

Von Kernten zway tüttlin, ragend als ain sper,

5

Ain pauch von Österreich,

Der wär schlecht vnd geleich,

Vnd ain Ars von pollandt,

Auch ain Bayrisch fud daran,

Vnd zway füszlen von dem Rein:

10

Das möcht ain schöne fraw gesein!

‹Des kusz kalbs můter fud die lidrin pfeiffen

man můsz dir vil aine malen.›