| |
|
-
- D a s n a r r e n s c h y f f .
X I V . v ō v e r m e s s e n h e i t g o t z
- __________________________________________
- Wer spricht das gott barmhertzig sy
Alleyn / vnd (nit) gerecht dar by
Der hat vernůnfft wie genß vnd sü
- vō vermessenheit gotz
- Der schmyert sich wol mit esels schmaltz
Vnd hat die büchsen an dem halß
Der sprechen gtar / das gott der herr
So bærmyg sy / vnd zürn nit ser
- 5
- Ob man joch ettwann sund volbring /
Vnd wygt die sünden also gering
Das sünden ye sy gantz menschlich
Nůn hab doch gott das hymelrich
Den gensen ye gantz nit gemacht
- 10
- So hab man allzyt sünd volbracht
Vnd vohe nit erst von nuwem an /
Die Bybel er erzelen kan
Vnd ander sunst hystorien vil /
Dar vß er doch nit mercken will
- 15
- Das allenthalb die stroff darnach
Geschriben stat / mit plag vnd rach /
Vnd das gott nye die leng vertrűg
Das man jn an eyn backen schlűg /
Gott ist keyn bœhem / oder Datt
- 20
- Ir sprochen er doch wol verstat /
Wie wol syn bærmung ist on moß /
On zal / gewiecht / vnnentlich groß /
So blibt doch syn gerechtikeyt
Vnd strofft die sünd jn erwikeyt
- 25
- An allen den / die nit dűnt recht
Gar offt / biß jnn das nünd geschlecht
Barmhertzigkeyt die leng nit stat
Wenn gott gerechtikeyt verlat /
Wor ist / der hymel ghœrt nit zů
- 30
- Den gensen / aber ouch keyn ků
Keyn narr / aff / esel / oder schwyn
Kumbt yemer ewiklich dar jn /
Vnd was ghœrt jn des tüffels zal
Das nymbt jm nyeman vberal /
|
|