Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

81.

Von dem lazurstain.

Zunich haizt lazûrstain und haizt auch ze latein lapis lazurii. der ist himelvar, wan er ist plâ mit goltvarben sprekeln. von dem stain macht man guot lazûr. der stain ist guot für die melancoli und wider den viertägleichen riten und wider die âmaht, diu von der pœsen fäuhten kümt, diu melancolia haizt.