Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

79.

Von dem vertillen.

Vertillus ist ain läuhtend stain genuog klâr und gleicht lauterm öl, sam Platearius spricht, und macht den minnenzæm der in tregt und ist guot für allen augensmerzen. er benimt auch köpeln mit der keln und sêr seufzen von dem herzen und benimt der lebern iren smerzen, wenn man in in wazzer wescht.