Buch der Natur

VI. VON DEN EDELN STAINEN

UND DES ÊRSTEN IN AINER GEMAIN.

_____________________________________________________________________

38.

Von dem granaten.

Granatus ist ain stain gar schœner varb, geleich ainem rubîn, iedoch hât er ain vaizter rœten wan der rubîn sam ain rôteu rôs. der stain læt sich gar ungern graben und scheint dester paz wenn man im swarz varb underlegt. er verjagt trauren und gibt dem muot fräud. man vindet in in der môren land und pei Tyrum in dem sant, dâ in daz mer auzwirft. ez ist auch ainerlai der stain, der ist violvar mit ainer zuogemischten rœten, und der ist mêr edel und schatzpær und geleicht dem balasten. der granât ist von des jâchants art und ist seines geslähts.